0

Barfi![2012] with Sinhala Subtitles


අද කාලෙ තියෙන ආදරේ හරියට විනාඩි දෙකේ නූඩ්ල්ස් වගේ..
බඩට වැටෙන්න කලින්ම ඉවරයි..

අද කාලෙ තියෙන ආදරේ, පටන් ගන්නෙ ෆේස්බුක් එකෙන්..
ඒත් ඉවර වෙන්නෙ, උසාවි ඛෙදවාචකයකින්..

මං හිතුවෙ ආදරේ කියන්නෙ, එකටම ජීවත්වෙලා, එකටම එකිනෙකාගෙ
අත්වලදිම මියැදෙන එක කියල. හරියට අපේ ආච්චියි සීයයි වගේ..

අද මං මේ කියන්න යන්නෙ, කවදාවත් අහල නැති විදියෙ, වෙනස්ම ආදර කතාවක්.
කවදාවත් නොමියෙන ආදරයක් ගැන කතාවක්.
වෙනස්ම ඇහැකින් ආදරේ ගැන දැකපු කතාවක්..බලන්න වටින හිතට දැනෙන කතාවක්
බාෆි(රන්බීර් කපූර්)-මෙයාගෙ අම්මා එයා ඉපදෙනකොටම මිය ගියා.එයාගෙ තාත්තා එයාට නම තිබ්බෙ මර්ෆි කියල.ඒත් හැමෝම එයාට කතා කලේ බාෆි කියල.මොකද එයාගෙ කටින් එයාගෙ නම කියවෙන්නෙ ඒ විදියට.බාෆිට හරියට කතා කරන්න බෑ, ඇහෙන්නෙත් නෑ.ඒත් එයා ගැන තමයි දර්ජීලින් නඟරෙ හැමෝම කතා වුනේ. හැම ගෑණු ළමයාම එයාටයි ආදරේ කළේ

ජිල්මිල් චැටර්ජී(ප්‍රියංකා චොප්රා)-පොඩි කාලෙ ඔස්ටිම් කියල(මොළයේ ආබාධයක්-සන්නිවේදනයේ දුර්වලතා ඇති කරන) ලෙඩක් හැදුනු නිසා තමන්ගෙ පවුලෙන්ම වෙන්වුනු කෙනෙක්.වෙනම තැනක හැදුනු කෙනෙක්.මෙයා තමයි බාෆිගෙ හොඳම යාළුවා පුංචි කාලෙ ඉඳලා.

සෘති(ඉලේනා)-කලින් දෙන්නා වගේ නෙමෙයි හොඳට කතා කරන්න පුළුවන් කෙනෙක්.මෙයාව බාෆිට මුණගැහෙන්නෙ එයා විවාහ ගිවිසගෙන ඉන්නකොට වෙනත් කෙනෙක් එක්ක.

මේ කියන්න යන්නේ මේ තුන්දෙනාගේ ආදර කතාවයි. අවංක ආදරය කියන්නෙ මොකක්ද කියල මේ කතාවෙන් හොඳින්ම තේරුම් කරල දෙනවා. ඒකයි විනාඩි 151ක් දිවෙනමේ කතාවට 8.7ක ප්‍රේක්ෂක ප්‍රතිචාර ලැබිලා තියෙන්නෙ.මේ චිත්‍රපටියේ ඩිවිඩි පිටපතක් නිකුත් උනේ ඊසේ හවස 6ට වගේ තමයි.ෆිල්ම් එක අරන් සබ් එක කරලා දැන් ඉවර වෙන මේ වෙලාව හරියටම 13 වැනිදා පාන්දර 1.35යි.අනිවාර්යෙන්ම අද උදේ ඔයාලට මේක බලන්න පුලුවන් වෙන්න ඕන නිසා තමයි මම මේක ඉක්මනටම කරලා දෙන්න හිතුවේ.අද දවසේ පීඩාකාරී මනසට සහනයක් ඕනෙ කියල හිතෙනවනම් මේ කතාව අරන් බලන්න.ඔයාගෙ කාලයෙන් විනාඩි 151ක් අපතේ නොයන බව මට හොඳටම විශ්වාසයි.මේ චිත්‍රපටිය බලද්දි සමහර දර්ශන දැක්කම මට ඉංග්‍රිසි චිත්‍රපටියක් වන The Note Book චිත්‍රපටිය මතක් උනා.මොකද එකේ වගේ සමාන දර්ශන කිහිපයක් මේ චිත්‍රපටියේ ඇතුලත් උනා.එහෙනම් ඔයාලා චිත්‍රපටිය අරන් රසවිදින්න කියලා මතක් කරන ගමන් අද දවස (දිපවාලි) වෙනුවෙන් තවත් විශේෂ චිත්‍රපටියක් තව ටිකකින් ඔයාලට බලාගන්න පුලුවන් වේවි.අනිවාර්යෙන් තව ටිකකින් එන්න අමතක කරන්න එපා.රැදිලා ඉන්න දිගටම සුම් එකත් එක්ක.අද නිවාඩු දවස වර්ණවත් කරන්න තවත් අලුත් චිත්‍රපටි ගොඩක් බලාපරොත්තුවන්න....



2

TED [2012] with Sinhala Subtitles


ඔන්න අද දවසේ මගේ දෙවැනි උපසිරැසි ගැන්විම.සමාවෙන්න මේකත් ටිකක් පරක්කු උනාට පහුගිය දවස් ටිකේ පොඩි ගමනක් ගිය නිසයි මේවා දෙන්න බැරි උනේ.හරි එවයින් කමක් නෑ මේකේ BRRIP නම් ආවේ ලගදි.අනිත් මතක් කරන්න ඕන විශේෂම දේ තමයි මේක පොඩි ළමයින්ට හදපු චිත්‍රපටියක් නෙමෙයි.මේකේ ටෙඩ් කියන එක දැක්කම හිතෙන්න පුලුවන් නේ මේක පොඩි ළමයින්ට හදපු කතාවක් කියලා හැබැයි මේක එහෙම එකක් නම් නෙමෙයි කියලා අවධාරණයෙන් යුතුව මතක් කරන්න ඕන.

මේකේ කතාව මේකයි ජොන් කියන්නේ පොඩි කාලේ ටිකක් තනි උන ළමයෙක්.වැඩිය යාළුවෝ එහෙම හිටියේ නැහැ.එයාට දවසක් නත්තලට තැග්ගක් ලැබෙනවා.ලස්සන ලොකු ටෙඩියෙක්.එයා ආසාවෙන් එයාව ලග තියාගන්නා. ජොන්ගේ හොදම යාළුවා උනේ මේ ටෙඩියා.දවසක් ජොන් හිතාගන්නවා අනේ මගේ ටෙඩියා මගෙත් එක්ක කතා කරනවා නම් කියලා.ඇත්තටම ජොන් ගේ ඒ ප්‍රාර්ථනාව හරි යනවා.ටෙඩිට පණ එනවා.ඒ දෙන්නා අවුරුදු ගාණක් එකට ඉන්නවා.කාටවත් මේ දෙන්නව වෙන් කරන්න බැරි තරමේ යාළු කමක් දෙන්නා අතර තියෙනවා.ඔන්න ඔහොම වෙනකොට ජොන් ලොකු වෙලා අවුරුදු 35ක් විතර වෙලා එයාත් එක්ක ගැණු ළමයෙක් එහෙම යාළුවෙනවා.ජොන්ගේ ටෙඩියා තමත් එයා එක්කම ඉන්නවා.ජොන් යාළු උන ගැණු ළමයාටනම් මේ ටෙඩියගේ වැඩ එච්චර අල්ලන්නේ නෑ.මොකද ජොන් ටෙඩියා ගාව ඉන්න වෙලාවට පොඩි එකෙක් වගේ ටෙඩි එක්ක කියව කියව ඉන්නවා එයාගේ ගැණු ළමයා ගැන වැඩි අවදානයක් දෙන්නේ නෑ.කොහොම හරි දවසක් ජොන් ගේ ගැණු ළමයා ලොරි කියනවා එයාට ටෙඩිව හරි එයාව හරි දෙන්නාගෙන් කෙනෙක් තොරගන්න කියලා.ජොන් මොනා කරයිද? ටෙඩියාව තොරගනිද නැත්නම් එයාගේ ආදරේ තොරගනිද? නැත්නම් ජොන් දෙන්නවම තොරගනිද?
හිනා වේවි බලන්න පුලුවන් ලස්සන කතාවක් තමයි මේක.ඒ වගේම උපසිරැසි ගන්වන්න අමාරු උන චිත්‍රපටියක්. ලයින් 1700ක් වගේ තිබ්බා වගේම ටෙඩියාගේ භාෂා විලාසයනම් අන්තිමයි.එවත් හොද විදියට අර්ථය වෙනස් නොවෙන හොද විදියට දැම්මා.එහෙනම් මේ චිත්‍රපටියත් අරන් රස විදින්න කියලා ආරාධනා කරනවා.ආයේ මතක් කරනවා මේක පොඩ්ඩන්ට හදපු චිත්‍රපටියක් නම් නෙමෙයි.


ඔන්න අද දවසේ දෙවැනි නිර්මාණයත් දුන්නා.ඉවරද?? නෑ තවත් අලුත්ම අලුත් චිත්‍රපටියක් අරන් මම අපේ තව යාළුවෙක් එක්ක ඉක්මනටම එනවා.
මොකක්ද ඒ ෆිල්ම් එක? හ්ම්....තව ටිකකින් ඇවිල්ලම බලන්නකෝ.





0

Step Up Revolution [2012] with Sinhala Subtitles


මේ චිත්‍රපටිය නිකුත් වෙලා ලබා දෙන්න ගොඩක් දවසක් ගියාට සමාවෙන්න ඕන.මේක මම බාරගත්ත චිත්‍රපටියක් නම් නෙමෙයි.ඊයේ දවස පුරාවට වෙබ් අඩවියේ ත්‍රෙඩ් 4ක් විතර පලවුනා දැක්කා මේකට සබ් දෙන්නේ නැත්ද කියලා..මට මැසේජ් 1කුත් එවලා තිබ්බා අනේ මේකටත් සබ් දෙන්න කියලා.ඇත්තටම මේ චිත්‍රපටියට මේ තරම් උම්මාදයක් තියන බව නම් මම දන්නේ නෑ.සමහර විට මම නැටුම් වලට අකමැති නිසා වෙන්න ඇති.
හරි කොහොම උනත් ටිකක් පරක්කු වෙලා හරි ඔයාලා වෙනුවෙන් මේක අරන් ආවා.මට ඊයේ රෑ 11ට විතර තමයි මේක කරන්න පුලුවන්ද කියලා අහලා තිබ්බේ.ඒක නිසා නිදිමත පැත්තකට දාලා අද උදේ වෙද්දි කරලා දෙන්න හිතුවා.උපසිරැසි එකේ වැරදි නැතිවේවි.හැබැයි ඇලපිල්ලක් පාපිල්ලක් නැති උනොත් තරහා ගන්න එපා මොකද ඊයේ රෑ නේ මේක දැම්මේ ඒ නිසා.



මම මේකේ කලින් කතාමාලා 3නම බලලා නැහැ.හැබැයි මේක මම හිතන්නේ කලින් කතාමාලා වලට සම්බන්ධයක් නැහැ වගේ.ඒක නිසා ඔබ කලින් එවා බලලා නැත්නම් මේක බලන්න ගැටළුවක් වෙන එකක් නැහැ.කතාව කෙටියෙක් මෙහෙමයි ෂොන් ඇතුලු කණ්ඩායම මියාමි වල ඉන්න දක්ෂම නර්තනශිල්පින් වගයක්.ඔවුන් එක එක විදියේ නර්තන විදි ඉදිරිපත් කරලා ඒවා ටු ටියුබ් එකට දානවා එහෙම කරන්නේ යු ටියුබ් එකේ තරගයක් තියනවා වැඩිම ගානක් නරඹපු නර්තන විඩියෝ එකට විශාල මුදල් ත්‍යාගයක් දෙනවා කියලා.ඒක නිසා මොවුන් විවිද විවිධ ආකාරයේ නියමෙටම සැලසුම් කරලා නර්තන ඉදිරිපත් කරනවා.මේ අතර නගරයට ආයෝජකයෙක් එනවා.ඔහු ඇවිත් මියාමි නගරය දියුණු කරන්න කියලා ෂොන් ඇතුළු නර්තන කණ්ඩායම ඉන්න ප්‍රදේශය මිලට අරන් ඒ පැත්ත සුද්ද කරලා දාන්න යන්නේ.මේ නිසා ඒ පැත්තේ තියන ගොඩක් නිවාස කඩසාප්පු නැති වෙන්න යනවා.මේවට එරෙහිව ෂොන් ඇතුළ නර්තන කණ්ඩායම තමන්ගේ නර්තන හැකියාව උපයෝගි කරගන්නවා.ඇත්තටම නටලා මේ වගේ ලොකු දෙයක් කරන වැඩක් නවත්වන්න ආණ්ඩුවට බලපැමක් කරන්න පුලුවන් වෙයිද?එහෙම පුලුවන් වෙයිද කියලා ඔයාලා කතාව අරන් බලන්න.ආ කියන්න බැරි උනානේ ෂොන්ට අහම්බෙන් මේන් ගැණු ළමයෙක් මුණ ගැහෙනවා.ඇයටත් හොදට නටන්න පුලුවන්.ඇයවත් කණ්ඩායමට එකතු කරගන්න හදනවා..නමුත් පසුව දැන ගන්නවා අර නගරය වෙනස් කරන්න බිල්ඩින් හදන්න ආපු සමාගමේ අයිතිකාර දුව තමයි මෙයා කියලා.දුව තාත්තාගේ පැත්තේ ඉදිවිද නැත්නම් මේ ෂොන්ගේ නර්තන කණ්ඩායමට එකතු වෙලා ඇයගේ තාත්තා කරන්න යන මේ වැඩේ නවත්වයිද? ලස්සන නැටුම් ගොඩක් තියන මේ කතාව එහෙනම් අරන්ම බලන්න.

තව දෙයක් මම සබ් දාපු තවත් අලුත් ෆිල්ම් එකක් තව ටිකකින් ලැබේවි තව ටිකකින් සයිට් එක පැත්තේ ආපහු එන්නකෝ.


0

Total Recall [2012] with sinhala subtitle


ඔන්න තවත් චිත්‍රපටියක් නිකුත් උන විගසම අරගෙන ආවා.ඇත්තටම මේක අපේ සුම් උපසිරැසි කණ්ඩායමේ ප්‍රසාද් ශ්‍රිමාල් කලින් උපසිරැසි ගන්වලා එවලා තිබ්බා නමුත් කොපි එකට පොඩ්ඩක් විතර ගැලපුනේ නෑ.ටිකත් ලයින් ගානත් අලුත් කොපි එකේ වැඩිය තිබ්බ නිසා මම හදන්න අරගත්තා.මේකේ තවමත් ඉංග්‍රිසි උපසිරැසියක් අන්තර්ජාලයට නිකුත් වෙලා නැහැ.හැබැයි හැම උපසිරැසි එකක්ම දෙපාරක්ම පරික්ෂා කරලා බලලා දාන්නේ.ඒ නිසා අර්ථය ගැන බයවෙන්න දෙයක් නැහැ.ප්‍රසාද් ඇත්තටම උපසිරැසියට ලොකු සාධාරණයක් කරලා තිබ්බා ඉංග්‍රිසි උපසිරැසි එකක් නැතුවම උපසිරැසි දාලා.මේ කතාව ගැන මම නොකියා අපේ ප්‍රසාද් එවපු කතාව පල කරනවා.කොහොමත් චිත්‍රපටියක කතාව ලියන එක තමයි මට නම් අමාරුම වැඩේ.මේක ගැන කියන්න තියෙන්නේ ඔයාලා Source Code,Inception වගේ නිර්මාණ වලට කැමතිනම් මේක නම් මගහරින්න එපා.නැවතත් අලුත් ම චිත්‍රපටියත් එකක් ප්‍රසාද් වගේම මමත් ඔයාලව හම්බවෙන්නම්. චිත්‍රපටියේ ඉතුරු කතාව ප්‍රසාද්ගෙන්

IMDB Ratings 6.9/10 ක් මෙය ලබාගෙන තියෙනවා, ඒ වගේම සිනමාවට අලුත් නළුනිළියන් පිරිසක් මෙහි ඉන්නවා, ඒකත් විශේෂයිනේ...කතාව ගැන කියනවා නම් මේකයි සාරාංශය...පෘථිවිය විනාශ වී යෑම නිසා වෙනත් ප්‍රදේශයක ජීවත් වන මිනිසුන් කොට්ඨාසයක් සිටිනවා, මෙවැනිම තවත් මිනිසුන් කණ්ඩායමක් තමන්ට වාසි ලබාගත හැකි මිනිසුන්ගේ මතකය නැති කර, ඔවුන්වත් තමන්ගේ හමුදාවට ඇතුල් කරගනිමින් පෘථිවියේ මිනිසුන් වාසය කරන ජනපදය ආක්‍රමණය කිරීමට සූදානම් වෙනවා, මෙම හමුදාවේ සොල්දාදුවන් තමයි රොබෝවරු. මෙම හමුදාවට ඇතුල් කරගැනීමට සැරසෙන ඩග්ලස් නැමති තැනැත්තාට යම් කිසි අකරතැබ්බයක් වී ඔහුගේ අලුත් මතකය හා පැරණි මතකය අතර තැනක හිරවෙනවා, ඉන්පසු ඔහු තමන්ගේ පැරණි මතකය සොයාගෙන ජනපදයේ මිනිසුන්ව ආරක්ෂා කිරීම සඳහා අනෙක් හමුදාව සමග කරන විශාල සටනක් තමයි කතාවේ දිගහැරෙන්නේ... හරිම ෂෝක් සිද්ධියක් මේක ඇතුලේ තියෙනවා... මටනම් ඒකට ටිකක් තරහත් යනවා, මේ ඩග්ලස් කියන පුද්ගලයාට ඉන්න ලොකුම සතුරා තමයි එයාගෙම ලස්සන බිරිඳ! එයාගේ බිරිඳ එයත් එක්ක අවුරුදු හතක්ම එකට ඉඳලා තියෙන්නේ එයාලගේ හමුදාවේ මෙහෙයුමක කොටසක් විදියට. ඔන්න දැන් බිරින්දෑවරුන්ගේ හැටි කියලා හිතෙනවා මේක බැලුවම :/මේ වගේ කතාවක් මම නම් මීට කලින් චිත්‍රපටියක දැකලා නෑ.. අපිටත් අලුත් අත්දැකීමක්, මේ චිත්‍රපටිය මට දැනුම්දීම ගැන අපේ ඇඩ්මින්තුමාට ස්තුතිවන්ත වෙමින් ඔයාලා ලොකු පොඩි හැමෝටම මේක බලන්න කියලා ආරාධනා කරනවා...

පරිවර්තනය හා උපසිරැසි ගැන්වුයේ ප්‍රසාද් ශ්‍රීමාල් සමඟ හසිතා මහේෂි විසිනි


4

3 [2012] Tamil Movie with sinhala subtitle


මේ මගේ දෙවන දමිළ චිත්‍රපටි උපසිරැසි ගැන්විම.පලවෙනි එක ඔයාලට මතක ඇතිනේ Engeyum Kadhal චිත්‍රපටිය තමයි මම මුල්ම චිත්‍රපටියට දුන්නේ.එතැන් පටන් ගොඩක් දෙමළ චිත්‍රපටි කරන්න හිතුවත් එකට අවස්ථාව නැති උනේ දැන් එන ගොඩක් දමිළ චිත්‍රපටිවල උපසිරැසි චිත්‍රපටියේ හාඩ්කොඩ් ක්‍රමයට දාලා එවන්නේ.අද දෙන මේ 3 චිත්‍රපටියෙත් උපසිරැසි සහිත කොපියක් නිකුත් උනේ ඊයේ රෑ.ඉතින් දවසක් යන්නත් කලියෙන් කොහොම හරි උපසිරැසි දාලා ඔයාලට දෙන්න හිතුවා.එක ඒ විදියටම මට කරන්න පුලුවන් උනා.

චිත්‍රපටිය ටිකක් වෙනස් තේමාවක් ඇතුව නිර්මාණය වුන එකක්.අවසානය දක්වාම ඔබව කුතුහලයෙන් තබා ගැනිමට මේක සමත් වේවි.දෙමළ චිත්‍රපටියක් කියලා නොබලා ඉන්න නම් හිතන්න එපා අනිවාර්යෙන් අරන් බලන්න.අනික මේ චිත්‍රපටියේ කොලවරි සිංදුවනම් ඔබ අනිවාර්යෙන්ම අහලා ඇති.ඒ ගිතයටත් උපසිරැසි දැම්මා.දෙමළ ගිත වලට උපසිරැසි දාලා එම ගිත වලට හරි අකාරයේ සාදාරණයක් ඉටුකලාද කියලා ඔබටම බලන්න පුලුවන්.
ඒ ගැනත් අනිවාර්යෙන් අදහසක් කියලා යන්න.චිත්‍රපටියේ කතාව දෙසට හැරෙමු රාම් හා ජනනි කියන්නේ ආදරවන්තයෝ දෙන්නෙක්.මේ දෙන්නා ආදරේ කරන්න හමුවෙන්නේ වගේම ආදරය කරන්න පටන් පටන්ගන්නෙම හරි පුදුම විදියට.කතාව හැබැයි මුලින්ම පටන්ගන්නේ රාම්ගේ මිය යාමත් එක්ක.ඔයාලටත් හිතෙන්න පුලුවන් කලින් අර විදියට ආදරයෙන් හිටිය දෙන්නට ඇයි මේ විදියේ දෙයක් උනේ කියලා.ඇත්තටම රාම් මිය ගියේ කොහොමද?ඒ ගැන තමයි මුළු චිත්‍රපටිය පුරාවටම දිවයන්නේ.රාම්ව කවුරු හරි මරලා දැම්මද? නැත්නම්...කතාව අවසානය හිතාගන්න වත් බැරි එකක් වේවි..එහෙනම් ඔන්න මම ගොඩක් කාලේකට කලින්ම පොරොන්දු උන පොරොන්දුවක් ඉටු කලා.මේ වගේ දෙමළ චිත්‍රපටිවල ඉංග්‍රිසි උපසිරැසි සහිත කොපි තව ඉදිරියටත් නිකුත් උනොත් එවත් උපසිරැසි එක්කම අරන් එන්න පොරොන්දුවෙනවා. එහෙනම් ගිහින් එන්නම්.


Wrong Turn 5: Bloodlines with sinhala subtitle


මම කිව්වනේ මගේ විභාග වලින් පස්සේ ඔයාලට ෆිල්ම් ගොඩක් දෙනවා කියලා.මේ තමයි අද දවසට මම දෙන දෙවැනි චිත්‍රපටිය.මම කලින් එක දෙනකොට කිව්වනේ ඔයාලා ඉල්ලපු ඉල්ලිමකුයි මේ පාර මගේ උපසිරැසි ගැන්විම වෙන්නේ කියලා.මේ ගැන ඇත්තටම මට ඊයේ රෑ තමයි ඇඩ්මින් කිව්වේ.ඒ වෙනකොට මම වෙන චිත්‍රපටියක් දාන්න අරන් තිබ්බේ.හැබැයි මේකට සබ් දාන්න කියලා මටත් ඉල්ලිම් කිහිපයක් ආවා වගේම අපේ උපසිරැසි ඉල්ලිම් ත්‍රේඩ් එකේ පිටු දෙකක් පුරාවට මේ චිත්‍රපටියේ නමමයි තිබ්බේ මේකට උපසිරැසි දෙන්න කියලා.ඉතින් ඔයාලගේ ඉල්ලිමක් කොහොමද අහක දාන්නේ.මේ චිත්‍රපටියට මුලින් උපසිරැසි ගන්වන්න වැඩි කැමත්තක් තිබුනේ නෑ.ඇත්තටම මම මේ වගේ චිත්‍රපටි වලට ආස නෑ.උපසිරැසි දාන්න ගියාම අඩුම ගානේ දෙපාරක්වත් මේක බැලෙනවා.කොහොම හරි උපසිරැසි දෙන්න උවමනාම නිසා මේක අද උදේ වැඩ පටන්ගත්තා හවස්වෙද්දි කරලා ඉවර කරන්න පුලුවන් උනා.

2003 වසරේ මේ චිත්‍රපටිමාලා වේ පලමු චිත්‍රපටිය නිකුත් උනා.එය ටිකක් විතර කතාබහට ලක්වුන අතර මෙම චිත්‍රපටි මාලාවේ 2වැනි චිත්‍රපටිය නිකුත් වන්නේ 2007 වසරේදිය.එයද යම් විදියට ප්‍රේක්ෂක ආකර්ෂනයක් දිනා ගැනිමට හැකි උනා.පසුව 2009 වසරේ තෙවැනි හා 2011 වසරේ සිව්වැනි කතාමලා නිකුත් වු අතර අද ඔබට ලැබෙන්නේ 2012 වසරේ නිර්මාණය වු මෙම චිත්‍රපටියේ නවතම චිත්‍රපටියයි. ප්‍රේක්ෂයන්ට අනුව මෙහි මුල් චිත්‍රපටි දෙක පමණක් ඉතා ගුණාත්මක භාවයෙන් තිබුනා යැයි ඔවුන් පවසනවා.තුන්වැනි හා හතරවැනි චිත්‍රපටි වල කලින් නිකුත් වු ඒවා තරම් කතාව හොද තත්වයකින් නැති බවටත් ඇතැම් අය අදහස් පලකරනවා.මම මේ කලින් චිත්‍රපටි නරඔලා නැති නිසා ඒම කතාව ඇත්තද නැත්තද තිරණය කිරිම ඔබට බාරයි.

දැන් කතාව පැත්තට හැරෙමු.තරුණ තරුණියන් පිරිසක් විනෝද චාරිකාවක් යැමට අදහස් කරගන්නවා.ඔවුන් යන්නේ වෙබර්,ෆෙයාර්ලේක් කියන කුඩා ගම්මානයේ පවතින උත්සවයකට සහාභාගි විම සදහායි නමුත් අතර මගදි මොවුන්ට ලොකු අකතැබ්බයකට මුහුණ දෙන්න වෙනවා.සිත්පිත් නැති මනුෂයන් සේ සිටින මොලේ විකාර වු අමනුෂ්‍යයන් පිරිසක් අතට මොවුන් හසුවෙනවා.ඔවුන් සතුටු වෙන්නේ මිනිසුන්ට දසවද දිලා මරලා දාලා මිනිමස් කලා.කතාව වැඩිය විස්තර කරන්න යන්නේ නෑ මොකද මේ චිත්‍රපටිය පොඩි කතාවක් වටා තමයි ගෙතෙන්නේ.එක නිසා ඒ පොඩ්ඩ පැහැදිලි කලොත් බලන්න කතාවක් නැතිවෙනවා. අනිවාර්යෙන් මතක් කරනන් උවමනා එක දෙයක් තියනවා. මේ චිත්‍රපටිය අනිවාර්යෙන් වැඩිහිටියන්ට පමණක් සිමා වුන එකක් (+21) මෙහි ලිංගික දර්ශන කිහිපයක්,දරුණු ලෙස වදදිම් කර මරාදැම්මි කරන දර්ශන හා අසැබ්වදන් බොහෝ සෙයින් අඩංගු වෙනවා.හැබැයි කිසිම අසභ්‍ය වචනයක් සිංහලයට ඒ අකාරයින්ම පරිවර්තනය කරලා නෑ.ඉංග්‍රිසි හෝඩියේ අකුරු 26ක් අනාට සිංහල හොඩියේ අකුරු 60කට වඩා තියනවනේ.ඒ නිසා ඒ සදහා ගැලපෙන භාවිතා කල හැකි වදන් යොදන්න මම උත්සහා කලා.චිත්‍රපටියේ උපසිරැසි වලට මම කොතරම් සධාරණයක් ඉටුකලාද යන්න තිරණය කිරිමට ඔබට බාරයි.ගිහින් එන්නම් ලගදිම තවත් හොද චිත්‍රපටියක් එක්කම හමුවෙමු.



2

The Adjustment Bureau (2011) with sinhala subtitle


ඔයාද ඔයාගේ ජිවිතේ පාලනය කරන්නේ? ඔයා ඔයාට උවමනා දේවල්ද කරන්නේ? ඔයා ඔයා කැමති කෙනාටද ආදරේ කරන්නේ?ඔයා කැමති දේවල් කරන්න යනකොට බාධක ගොඩයි නේද?එවැනි වෙලාවට ඔයා එවයින් පැනලා යනවද නැත්නම් ඔයා ජිවිතේට මුණ දෙනවද? ඇත්තටම අපි අපේ දෛවය තීරණය කරනවද නැත්නම් කවුරුහරි අපේ ජීවිත පාලනය කරනවද?මේක කොයිතරම් අවස්ථාවල අපිට හිතිලා තියෙනවද නේද?මේ කතාව ගොඩනැගෙන්නෙත් අන්න එහෙම හිතන්න වෙන සිද්ධියක් පාදක කරගෙන.මිනිස්සු කොයිතරම් තත්ත්වයන්හි හිටියත්, කොච්චර ඉහල කෙනෙක්, කොච්චර සැහැල්ලු ජීවිත ගතකරන අය වුනත්, අපි හැමෝගෙම හැඟීම් බොහෝ වෙලාවට එක සමානයි නේද? අපි හැමෝටම පොදු හැඟීම් ගොඩක් තියෙනවනෙ.ආදරය කියන්නෙත් අන්න ඒ වගේ හැඟීමක්. කොයිතරම් එකිනෙකට වෙනස් තරාතිරම්වල අවස්ථාවල ඉන්න දෙන්නෙක් වුනත්, ආදරය කරන්න ගත්තම තමන් අයත් කොතනද කියන දේ අමතක වෙනවා.මේ කතාවෙ කතා නායකයා, නැත්තම් ප්‍රධාන චරිතය ඩේවිඩ් නොරිස් කියන්නෙ සුප්‍රසිද්ධ දේශපාලනඥයෙක්. ඔහුගේ දෛවය ඔහුව යොමු කරලා තියෙන්නෙ මිනිස්සුන්ගෙ ආදරය ලබන්න.මිනිස්සුන්ට කතාකරන්න, ඔවුන්ගෙ වැඩ ගැන හිතන්න.ඔය අතරෙ එලිස් කියන්නෙ දක්ෂ බැලේ නර්ථන ශිල්පිනියක්. ඒ වගේම සුන්දර කාන්තාවක්.හරිම අහම්බයකින් දවසක් මේ දෙන්නා මුණගැහෙන්නෙ. කොහෙත්ම කිසිම කෙනෙක්ට හිතාගන්න බැරි විදියට මේ දෙන්නා ආදරයෙන් බැඳෙන්නෙ.එදා ඉඳන් නොරිස්ට ඕන කරන්නෙ මේ ගෑණු කෙනත් එක්ක ඉන්නයි. නමුත් මොකක්හෝ දෙයක් මේ දෙන්නාව නිතරම ඈත් කරනවා.ඒ දෛවයද නැත්නම් කවුරුන් හෝ කරන දෙයක්ද? අවසානයේ ඩේවිඩ්ට තෝරාගැනිමක් ලැබෙනවා ඒ ඇමරිකාවේ ජනපති කමද නැත්නම් තමන් ආදරය කරන කෙනා සමග ජිවිතය ගත කිරිමද යන්න.ඔබට එවැනි තෝරාගැනිමක් ලැබුනොත් හිතන්න ඔබ කරන රැකියාවේ උසස්ම තනතුර පිරිනමන්න ලැස්තියි නමුත් ඔබට දැන් තියන ආදරය අහිමිකරගන්න ඕන.ඔයාගේ තිරණය මොකක් වෙයිද.ඩේවිඩ්ගේටත් ඒ වගේ දෙයක් වෙනවා තමන්ගේ හිනයක් වන ඇමරිකාවේ ජනපතිකමද?නැත්නම් ඔහුගේ ආදරවන්තියද?ඔහු මේ බලපෑමට කොහොම මුහුණදෙයිද?නොරිස් කුමන පාර්ශවය තෝරාගනීද? මිනිසුන් දහස් ගණනකගේ ගෞරවය ලැබෙන ලෝකයේ ඉහලම තනතුර වන ඇමරිකාවේ ජනපතිකමද? නැත්තම් තමන් ලොව දුටු එකම සුන්දර කාන්තාවගේ ආදරයද?

කාලයක් ඉදන් මේ චිත්‍රපටිය ඔබ හමුවේ තබන්න මම උත්සහා කලා.ඇත්තටම ටිකක් උපසිරැසි ගන්වන්න අමාරු උන වගේම ටිකක් ලයින් වැඩිපුර තිබුන චිත්‍රපටියක්.මේ චිත්‍රපටිය IMDB හි 7.1 අගයක් ලබාගෙන තියනවා.ඔබට පේනවා ඇති චිත්‍රපටියේ ජනප්‍රියතාවය එයින්ම.මේ කතාව ඒ වගේම පොඩ්ඩක් පැටලිලි සහගතයි.අවදානයෙන් බලාසිටියේ නැත්නම් කතාව නොතේරි යන්න පුලුවන්.එක නිසා කතාව සම්පුර්ණ අවධානයෙන් බලන්න.එහෙනම් ලගදිම තවත් හොද චිත්‍රපටියකින් මුණගැසෙමු.


0

Death Race (2008) with Sinhala Subtitles


මේ චිත්‍රපටිය අරන් එන්න හේතු ටිකක් තිබුනා ඒ ගැන මතක් කරගෙනම චිත්‍රපටියේ කතාව ගැන පොඩ්ඩක් බලමු.උපසිරැසි දාන්න අරන් දැනට මම අවුරුද්දයි මාස 9ක් වෙනවා.මාස වලින්ම කිව්වොත් මාස 21ක්.ඒ මාස කිහිපය ඇතුලත මගේ අතින් උපසිරැසි ගන්වපු චිත්‍රපටි 33ක්ම ඔබ හමුවේ තබා අවසන් මේ අද උපසිරැසි සමගින් ඔබට ලැබෙන්නේ 34වැනි චිත්‍රපටියයි.මේක ටිකක් පරණ උනත් උපසිරැසි ගන්වන්න හිතුවේ කාරණා කිහිපයක්ම නිසයි එකක් මම මුලිව්ම මගේ උපසිරැසි එක පටන් ගත්තේ Death Race 2 චිත්‍රපටියෙන්නේ. ඉතින් මම මේකේ පලවෙනි චිත්‍රපටියට උපසිරැසි දිලා නැත්නම් ඒක ලොකු අඩුවක් නේද කියලා මට හිතුනා.එක නිසා ඔන්න මේ චිත්‍රපටිය උපසිරැසි එක්කම දෙන්න හිතුවා.මම හිතනවා ඔබ කැමතිවෙයි කියලා.

කතාව ගැන නම් කියන්න උවමනා නැතිවෙයි මොකද ගොඩක් අය බලලත් ඇති නැත්නම් කතාව පොඩ්ඩක් විතර අහලත් ඇති.කමක් නෑ මම පොඩ්ඩක් කතාව ගැන මතක් කරන්නම් ජෙන්සන් කියන්නේ කාර්මාන්ත ශලාවක වැඩ කරන සමාන්‍ය පුද්ගලයෙක්.මොහු දිනක් රැකියාව නිම කර ගෙදරට එනවා මොහු විවාහකයි ජෙන්සන්ට කුඩා ළමයෙකුත් ඉන්නවා.නමුත් එදා සිදුවන්නේ කවදාවත් සිදුවිය නොවිය යුතු දෙයක්.ජෙන්සන් උඩතට්ටුවට ගොස් පහලට එද්දි බිරිද ලේ විලක් මත හැරිසිටිනවා දකිනවා, මිනිමරුවාත් ඒ අසල සැගවි ඉදලා ජේසන්ව සිහිය නැති කරලා ඔහු මේ මිනිමැරුම කල ආකරයට එත්තු ගන්වනවා.බිරිදව මැරිමේ වරදට ඔහුව හිරබාරයට ගන්නවා.මොහුව පසුව දුපතක තිබෙන එක්තරා සිරකදවුරකට මාරු කර යවනවා.මේ සිරකදවුර එසේ මෙසේ සිරකදවුරක් නෙමෙයි.මෙහි වාර්ශිකව තරගයක් පැවැත්වෙනවා සිරකරුවන් යොදාගෙන.ඒ තරගය ජිවිතයත් මරණයත් අතර තරගයක්. ජයග්‍රහකයාට ලැබෙන ත්‍යාගය තමයි හිරෙන් නිදහස් වි යාම.ජෙන්සන්ටත් මේ තරගයට අකමැත්තෙන් වුවද සහාභාගි වෙන්න වෙනවා.මේ අතර වාරයේ එදා රෑ ජේසන්ගේ නිවසට පැමිණ බිරිදව මරා දැමුවේ කවුද? ඇයි එහෙම කලේ කියන එවට උත්තරත් ඔහුට දැනගන්න ලැබෙනවා.ඇත්තටම මෙහෙම කලේ ඇයි?ජේසන්ට මේ තරගයට ඉදිරිපත් වෙලා ජයග්‍රහනය කිරිමට හැකිවෙයිද?මේ තරගය මොනවගේ එකක්ද මේ සියල්ල දැනගන්න ඔබ මේ චිත්‍රපටිය නරඔලා නැත්නම් අනිවාර්යෙන් නරඔන්න.ඒ වගේම නරඔලා තියන අය කැමතිනම් මතකය අලුත් කරගන්න නැවත නරඔන්න.ඒ වගේම ඔබ ඩෙත්රෙස් 2 චිත්‍රපටිය නරඔලා නැත්නම් මෙතනින් ගිහින් එකත් අරගන්න පුලුවන්

මේ චිත්‍රපටිය IMDB හි මනාප 94,268කින් 6.4 අගයක් දිනාගෙන තියනවා.ඒ වගේම මෙහි ප්‍රධාන චරිතය වන ජෙන්සන් ගේ චරිතයට පණ පොවන්නේ මම ආසම නළුවෙක් වෙන ජේසන් ස්ටේතම්.මෙහි R වර්ගිකරණයට ලක්වුනත් වැඩිහිටියන්ට පමණක් නොව ඔනැම කෙනෙක්ට බලන්න පුලුවන් චිත්‍රපටියක්. නමුත් R වර්ගිකරණ ලැබි තිබෙන්නේ මෙහි ඇතුලත් ත්‍රාසජනක ජවනිකා හේතුවෙන්.එවැනි ජවනිකා බලන්න පුලුවන් නම් කිසිදු ප්‍රශ්නයක් නෑ ඔබට මේ චිත්‍රපටිය නරඔන්න පුලුවන්.එහෙනම් ඊලගට මම...ඔයාලා කිපදෙනෙක් මගෙන් මේ දවස් ටිකේම ඉල්ලලා inbox එක පුරවපු චිත්‍රපටියක් අරගෙන එන්නම්.ගිහින් එන්නම් එහෙනම්.හැමෝටම සුභ දවසක්.

0

EK THA TIGER (2012) with Sinhala Subtitles


ඉන්දියාවේ වැඩිම ආදායම් වාර්තා තියපු චිත්‍රපටියක් තමයි එක් තා ටයිගර් කියන්නේ.කලින් ඒ අදායම් වාර්තාවට හිමිකම් කිව්වේ ත්‍රි ඉඩියට් චිත්‍රපටිය.නමුත් මේ චිත්‍රපටිය ඒ සියළු ආදයම් වාර්තා බිදහෙලුවා.කොහොමත් සල්මන් ඛාන් ඉන්න ෆිල්ම් වල පොඩි ගතියක් තියනවා.බොඩිගාඩ් දෙමළ චිත්‍රපටියට වඩා හින්දි එක නියමෙට තිබ්බනේ.අනික පොඩි පොඩි කොමඩි කැලි කිහිපයක් ඕනම ඇක්ෂන් ෆිල්ම් එකක උනත් සල්මන් ඛාන් දාන්න අමතක කරන්නේ නෑ.අනික මගෙත් ආසම නළුවා. චිත්‍රපටියේ කතාව ගෙතෙන්නේ පකිස්ථානයේ හා ඉන්දියාවේ අතර තියන රහස් කණ්ඩායම් දෙකක් ගැන ඉන්දියාවේ රහස්කණ්ඩායමේ තමයි මේ ටයිගර් ඒ කියන්නේ සල්මන් ඛාන් වැඩ කරන්නේ.චිත්‍රපටිය පටන් ගත්ත ගමන්ම හොද වලියක් එහෙම දකින්න පුලුවන් වේවි.ඉතින් මේ ටයිගර්ට එක්තරා මෙහෙයුමක් ලැබෙනවා කෙනෙක්ගේ විස්තර හොයාගෙන එන්න ඒ මෙහෙයුම අතර වාරයේදි මෙයාට හම්බවෙනවා සෝයි කියලා ගැණු ළමයෙක්.ගහක් ගලක් වගේ ඉන්න ඕන කොල්ලෙක්ව කෙල්ලෙක්ට පුලුවන්නේ ගැස් සේරම බස්සන්න.අන්න ඒ වගේ දෙයක් වෙන්නේ සෝයිව අදුනගන්න ලැබුනට පස්සේ ටයිගර් එයාට ආදරේ කරන්න පෙළඹෙනවා හැබැයි මේ ආදර කතාව නිසා සිද්ද වෙන සිදුව්ම් මාලාව නම් මම කියන්නේ නෑ ඔයා අරගෙන බලලම ඉන්න.ආ තව එකක් හුගක් ෆිල්ම් වල මම හරි කැමතියි ඉන්ටර්වල් එක දාන වෙලාව බලන්න.මොකද හොදම තැනකනේ එක දාන්නේ.මේ චිත්‍රපටියේ නම් ඉන්ටර්වල් දාන තැනත් නියමම තැනක්

පරිවර්තනය හා උපසිරැසි ගැන්විම
දර්ශන නිශාන්ත

උපසිරැසි ගැන්විමේ සහාය
හසිතා මහේෂි කපුගමගේ.


0

Soldiers of Fortune (2012) with Sinhala Subtitles


මේක සූම් එකේ උපසිරැසි ඉල්ලිම් වල ඉල්ලුම් කරනු ලැබු චිත්‍රපටියක් හරිනම් මේ චිත්‍රපටිය ඔබට සිංහල උපසිරැසි සහිතව ලැබෙන්න ඕන ඇත්තටම මේකේ ටොරන්ට් පටය නිකුත් වෙලා හරියටම සතියක් ගියාමයි.ඒ කියන්නේ දැනට මාසයකට විතර කලින්.මේක ආව කාලේම තාරක මේ චිත්‍රපටියේ උපසිරැසි ගැන්විමේ කටයුතු පටන් ගත්තත් අලුතෙන් එකතු වු කෙනෙක් මේ චිත්‍රපටිය එයා උපසිරැසි ලබා දෙන්නම් ඇඩ්මින්ට කියලා මේක වෙන් කරගෙන තියනවා.තාරක එවිටත් චිත්‍රපටියේ ලයින් 350කට ආසන්න සංඛ්‍යාවක් සම්පුර්ණ කරලා තිබිලා තියනවා.නමුත් කෙනෙක් ඉල්ලුවා කියලා දැනගත්තම එයා එතෙක් සම්පුර්ණ කරපු උපසිරැසි එක දාන කෙනාට යවන්න කියලා ඇඩ්මින්ට යවලා තියනවා.චිත්‍රපටිය අලුතෙන් උපසිරැසි දාන්න බාරගත්ත කෙනාගෙන් ඇඩ්මින් උපසිරැසි නිමකලාද අහලා යැව්වත් තවම දමමින් පවතිනවා කියා පැවසුවත් උපසිරැසි එවලා නම් නැහැ.ඇත්තටම තමන් චිත්‍රපටයක් උපසිරැසි කරන්න අපහසු නම් හරි බාරගෙන කරන්නේ නැත්නම් ඒ ගැන දන්වලා එවිමට කාරුණික වන්න.මොකද ඒ චිත්‍රපටිය බලාපොරොත්තුවෙන් පිරිසක් බලන් ඉන්න නිසා.එවැනි අය නිසා ඔබට මේ චිත්‍රපටිය අපට දෙන්න ප්‍රමාද විම ගැන අප ZOOM රසික හැමෝගෙන්ම සමාව ඉල්ලනවා.

මම කලින් කිව්වා වගේ තාරකගේ උපසිරැසි එක මම සම්පුර්ණ කරන්න හිතුවා.මේ දවස්වල ඇත්තටම SLIIT එකේ වැඩ exam වැඩ අතර වාරයේ උනත් පැයක් දෙකක් වෙන් කරගෙන තමයි මේ විදියට උපසිරැසි දාලා දෙන්නේ.රේටින් පස්සේ ගිහින් චිත්‍රපටි බලනවා නම් ඒ අයට මේක දැක්ක ගමන් රේටින් 4.3ක් නිසා මදි වගේ පෙන්න පුලුවන්.නමුත් චිත්‍රපටියට රේටින් 6.5ක් වත් ලැබෙන්න ඕන කියලා මම හිතනවා.මුලින්ම එහෙනම් චිත්‍රපටියේ ට්‍රේලර් එක බලලම ඉන්න.මේ චිත්‍රපටියේ ඔබ දන්න අදුනන නලුනිළියන් කිපදෙනෙක්ම රංගනයෙන් දායක වෙනවා.Sean Bean,Ving Rhames,Christian Slater රංගනයෙන් දායක වන මේ චිත්‍රපටියේ කතාව මෙහෙමයි.

සෝල්ජර්ස් ඔෆ් ෆෝචූන්, එහෙමත් නැත්තම් වාසනාවන්ත සොල්දාදුවෝ කියන්නෙ හමුදාව මඟින් මෙහෙයවන තරඟයක්. මේකට සහභාගී වෙන්නෙ ලෝකෙ ඉන්න ප්‍රභලම ධනවතුන් පස් දෙනෙක්.දන්නවනෙ ඉතිං, සල්ලි අතේ තියෙනවානම් වියදම් කරන්න විදියකුත් තියෙන්න එපැයිනෙ. ඒ හේතුව නිසා මේ තරඟයට ඉදිරිපත්වෙන පස් දෙනා ගැන කෙටියෙන් කිව්වොත් මෙහෙමයි.


* චාර්ලි කියන්නෙ පරම්පරාවෙන්ම ලොක්කෙක් මෙයා වැඩ කරන්නෙ ලෝක ප්‍රසිද්ධ සල්ලිකාරයින්ගෙ තැන:වෝල් ස්ට්‍රීට්වල බැංකුකරුවෙක් හැටියට
* හෞස්මාන් කියන්නෙ හුඟක් වයස වුනත් ලෝක ප්‍රසිද්ධ කෙනෙක්. එක්තරා ජංගම දුරකථනයක් නිපදවපු කෙනෙක් හැටියටයි මෙයාව ප්‍රසිද්ධියට පත්වෙලා තියෙන්නෙ
* ඊලඟට ග්‍රිමෝඩ්-පෙනුමෙන් බැලුවම පේන තරමටම දරුණු යුධ ආයුධ නිපදවන්නෙක්, බෙදාහරින්නෙක්
* ඩිමිඩොව්-ලෝකෙ අංක එකේ පතල් හිමිකරුවෙක්, සල්ලාලයෙක් කිව්වත් නිවැරදියි
අන්තිමට,
* සින්-දරුණු වීඩියෝ ගේම් නිෂ්පාදකයෙක්.මෙයා හදපු ගේම් එකක් නිසා ලමයි කීපදෙනෙක්ම තමන්ගෙ දෙමව්පියන්ව මරලා දාලා තියෙනවලු.


ඉතිං මේ කියන අය තමයි මේ සෝල්ජර්ස් ඔෆ් ෆෝචූන් තරඟෙට ඉදිරිපත් වෙන්නෙ. මේ තරඟෙදි මේ අයට නියම යුධ අත්දැකීම් ලබාදෙන්නයි කැප්ටන් ක්‍රැග් ඇතුළු පිරිස කටයුතු කරන්නෙ.ඒත් මේ කවුරුවත්ම හරියට කලින් යුද්ධ කරපු අය නෙමෙයි.මේ අය මේ තරඟෙට ඉදිරිපත් වෙන්නෙ ඇයි කියන එක කතාව බලාගෙන යද්දි තේරෙයි. ඇත්තටම සැපට ඉඳලා යුද්ධ කරන්න ආපු මේ පිරිසට අන්තිමේ ඇත්තටම යුද්ධ කරන්නයි සිදුවන්නේ.සැබැ හමුදාමෙහෙයුමක් කියන්නේ හිතන තරම් විනෝදජනක දෙයක් නෙමෙයි එය ජිවිතයත් මරණයත් අතර සටනක්.ඔවුන්ට දැන් ආපසු හැරෙන්න බැ.මේ යුද්ධයට මුණදෙන්නම වෙනවා.ඔවුන් සියලු දෙනාට කුමක් වෙයිද? යුද්ධය ජයග්‍රහනය කරයිද නැත්නම් ජිවිතයෙන් වන්දිගෙවයිද?මේ සේරම දැනගන්න මේ චිත්‍රපටිය නරඹන්න.බලන්න වටින හොඳ කතාවක්.



0

Daybreakers (2009) with Sinhala Subtitles



කාලේකට පස්සේ උපසිරැසි එකක් අරන් ආවා.මේ දවස් වල වැඩ වගයකට හිර වෙලා නිසා ඇත්තටම උපසිරැසි එකක් කරන්න වත් වෙලාව නෑ.මේ චිත්‍රපටියත් මම පුලුවන් පුලුවන් වෙලාවට දාලා ඔන්න අද උදේ වැඩේ ඉවර කරගන්න පුලුවන් උනා.මේකට IMDB හි 6.5ක වර්ගිකරණයක් ලැබිලා තියනවා.චිත්‍රපටිය නිකුත් උනේ නම් 2010 වසරේදි.සමහර විට ඔබ මේක නරඔලාත් ඇති.නරඔලා නැත්නම් ඔන්න දැන් සිංහල උපසිරැසි සහිතවම බලන්න පුලුවන්.මේ චිත්‍රපටිය සම්ප්‍රදායික වැම්පයර් කතා මාලා වෙනස් කරලා හදන්න උත්සහා දරලා තියනවා කියලා කියන්න පුලුවන්.අවසාන මිනිත්තුව දක්වාම ඔබව කුතුහලයෙන් තබා ගන්නට මේ චිත්‍රපටිය සමත්වේවි.
කතා සාරංශය කිව්වොත් ලොකයේ වැම්පර් ජනග්‍රහනය ඝිඝ්‍රයෙන් වැඩි වෙමින් පවතිනවා.මිනිසුන් කියන්නේ වදවිගෙන එන කොට්ධාශයක් බවට පත්වෙනවා.මක්නිසාද යත් වැම්පර්වරුන් විසින් මිනිසුන් දඩයම් කරන නිසා හා වැම්පර් කෙනෙක් විමත් සමග අමරණිය තත්වයත් ඔවුන්ට ලැබෙන නිසා.මිනිසුන් හිගවිම නිසා මොවුන්ට ලේ හොයාගන්න බැරිවෙනවා වැම්පර්ස්ලා ලේ නොබිම නිසා ඔවුන්ව කායික විකෘති තත්වයන්ට පත්වෙන්න පටන්ගන්නවා.ඔවුන් සතුන් වෙන්න ගන්නවා.මේ ගැටළුවට ප්‍රතිකාර හොයන කෙනෙක් ඒ කියන්නේ ලේ සදහා ආදේහයක් හොයන කෙනෙක් තමයි එඩ්වඩ් කියන්නේ.ඔහු දොස්තර වරයෙක්.ඔහු ඇත්තටම උත්සහා කරන්නේ වැම්පර්ස්ලා නැවතත් මිනිසුන් කරන්නේ කොහොමද කියලා පරික්ෂන කරන්නයි.ඔහු කමැති නෑ වැම්පයර් කෙනෙක් වෙලා තමන්ගේ ජිවිතේ ගත කරන්න නමුත් ඔහුගේ පරික්ෂන සාර්ථක වෙන්නේ නෑ.නමුත් අහම්බෙන් මෙන් ඔහුට එල්විස් කියලා පුද්ගලයෙක් මුණගැහෙනවා.මොහුගේ මුණ ගැසිමත් සමගම කතාව හිතුනැති පැතිකඩකට වෙනස් වෙනවා.වැඩි විස්තර තව කියන්න යන්නේ නැහැ ඔබ මේ චිත්‍රපටිය අරගෙනම බලන්න.


0

Cocktail [2012] Sinhala Subtitles


කොහොමච කට්ටිය පහුගිය දවස් ටිකේම මම පෙන්න හිටියේ නෑනේ.අලුත් සබ් එකක් අරන් එන්නත් බැරි උනා මොකද රාජකාරි වැඩ අස්සේ නේ අපිත් මේ දෙවල් කරන්න ඕන.මේ චිත්‍රපටියේ හොද පිටපතක් ඊයේ දවල් නිකුත් උනත් මේකට හරි යන්න සබ් එකක් නිකුත් උනේ රෑ 11ට වගේ.හැබැයි එකත් අපි දිලා තියන 400MB කොපි එකට මැච් උනේ නෑ.මොනා කරන්නද දන්න වැඩ සේරම දාලා සබ් එක හදාගත්තා.නෙට් එකේ දැනටත් අපි මේ දිලා තියන 400 කොපි එකට හරියන්න ඉංග්‍රිසි සබ් එකක් වත් නෑ.ඉංග්‍රිසි සබ් එනකම් ඉන්න ඕන නෑ.අපි දෙන්නම් අපිම හදලා සිංහලෙන්ම අන්න එකනේ අපේ විශේෂත්වේ.අපේ උදාර එහෙමත් ලගදි එහෙම චිත්‍රපටියක් දුන්නා මතක ඇතිනේ.මගේ උපසිරැසි ඉතිහාසේ මම හොදටම මහන්සි උන සබ් එක මේක.පාන්දර වෙනකම් ඇහැරිලා ඉදලා අද උදේ සිංදු ටික සේරම හදලා දවල් වෙද්දි වැඩ ඉවර කලා.ඇත්තටම මම මේක දෙන්න හිටපු එකක් නෙමෙයි.මේක සම්පුර්ණයෙන්ම ඉල්ලිමක් ඉටු කිරිමක්..නියම විදියට හින්දි චිත්‍රපටියක් උපසිරැසි දානවා කියන්නේ සිංදුත් එක්කම දාන්න හැකියාව තියෙන්න ඕන නැත්නම් මම හිතන්නේ නැ හින්දි සබ් දාන එකෙන් වැඩක් වෙයි කියලා.මොකද සිංදු ටික මැකුවම ලයින් තියෙන්නේ අඩුවෙන් නේ.කලින් කිව්වා වගේ සිංදු සියල්ලමත් උපසිරැසි ගන්වලා තියෙන්නේ ඉක්මනට දුන්නා කියලා සිංදු අමතක කරලා සබ් දැම්මේ නම් නෑ

ච්ත්‍රපටියේ කතාව වෙන්නේ නම් යාළුවෝ තුන්දෙනෙක් අතර වෙන කතාවක්.වෙරොනිකා කියන්නේ ලන්ඩන් වල ජිවත් වෙන සෙල්ලක්කාර ගැණු ළමයෙක්.ජිවිතේ ගැන සරළව හිතෙන හිතුන දේ කරන කෙනෙක්.එයාට හම්බවෙන යාලුවා මීරා කියන්නේ වෙරෝනිකාට වඩා වෙනස්ම කෙනෙක් ගතිපවැතුම් වලින් උසස් කෙනෙක්.මේ කතාවට එන තුන්වැනියා තමයි ගෞතම් එයත් සෙල්ලකාර ජිවිතයක් ගත කරන තරුණයෙන්.එකම ජාතියේ අයනේ එකට එකතු වෙන්නේ නේද වෙරෝනිකා හා ගෞතම් දෙන්නා කොහොමින් කොහොම හරි යාලුවෙලා එකට ඉන්න පටන් ගන්නවා.දෙන්නම එකම විදියට හිතන්නේ එකම ගතිපැවතුම් තියෙන්නේ ඒ නිසා ඒ දෙන්නට දෙන්නා හොදයි.හැබැයි වෙරොනිකාගේ හොදම යාළුවා මිරාට ගෞතම් ගේ හිත යනවා.මොකද එයා හිත ඇතුලෙන් එයාට හොයන්නේ යහපත් ගති පැවතුම් තියන ගැණු ළමයෙක් නිසා.ඒ සේරම මිරාගේ ගාව තියනවා.මිරාත් ගෞතම්ගේ ආදරයට අවනත වෙන්න පටන් ගන්නවා.ගැණු ළමයි දෙන්නෙක් එකම පිරිමි ළමයෙක්ට ආදරය කරනවා හැබැයි එයාගේ ආදරේ තියෙන්නේ එතනින් එක ගැණු ළමයෙක්ට විතරයි...මෙතනින් පස්සේ මොනා වෙයිද යාළුකම කියන දේට ආදරය එකතු උනාම අපි හිතන්නෙවත් නැති දේවල් වෙන්න පුලුවන්.ගෞතම් වෙරොනිකා මිරා මේ තුන්දෙනා අතර දිවෙන ආදර කතාව කොක්ටෙල් මෙම චිත්‍රපටියෙන් ඔබට නරඹන්න පුලුවන්.

හරි එහෙනම් අපි ගියා.ලගදි නම් අලුත් ෆිල්ම් එකක් අරන් එන්න වෙයිද දන්නේ නෑ.මේ මගේ 11වැනි හින්දි චිත්‍රපටි උපසිරැසි ගැන්විම.ඔන්න එහෙනම් අපේ යාලුවන්ගේ ඉල්ලිම ඉටු කලා.ආ තව දෙයක් කියන්න ඕන 700 පිටපතට හා 400 පිටපතට වෙන වෙනම සබ් ඇති මතක් කරලා ඔයාලා ගත්තේ කොපි එකට ගැලපෙන සබ් එක ගන්න.මම ගත්තේ 400කොපි එක එකනම් හොදටම තිබ්බා.ඔන්න එහෙනම් අපි ගියෝ...



2

Battleship [2012] සිංහල උපසිරැසි සමගින්


මේ චිත්‍රපටියත් මම උදාරත් එක්ක එකතු වෙලා කරපු නිර්මාණයක්ම තමයි.වැඩි විස්තරයක් නැතුව කතාව ගැන පොඩි හැදින්විමක් කරන්නම් 
ඇමරිකානු විද්‍යාඥ පිරිසක් විසින් චන්ද්‍රිකාවක් කක්ෂගත කරනවා පිටසක්වල ජීවින් සිටිනවානම් ඔවුන් සමඟ සන්නිවේදනය කිරීම සඳහා. මේ අතර ඇමරිකානු සහ ජාත්‍යන්තර යුද නාවික එකතුව නාවික අභ්‍යාසයක් පවත්වනවා පැසිපික් සයුර ආශ්‍රිතව. හදිසියේ මෙම නාවික කණ්ඩායම ප්‍රහාරයට ලක්වෙනවා. නිකම්ම ප්‍රහාරයක් නෙමෙයි පිටසක්වල යානා ප්‍රහාරයක්.මෙම ප්‍රහාරයෙන් ලෝකය ගලවා ගැනිමට ඉදිරිපත් වෙන්නේ නාවිකයන් පිරිසක්.මොවුන්ට පිටසක්වල ජිවින්ව පරාජය කිරිමට හැකිවෙයිද චිත්‍රපටිය අරගෙනම බලන්න.





2

The Hunger Games [2012] සිංහල උපසිරැසි සමගින්



කාලයක් බලාගෙන හිටපු චිත්‍රපටියක් ඔන්න ඊයේ නිකුත් උනා.මේ දවස් ටිකේ නම චිත්‍රපටි එනවා පෙරේදා Battleship [2012] චිත්‍රපටිය ආවා අද ඔන්න The Hunger Games චිත්‍රපටිය ඇවිල්ලා.චිත්‍රපටය නිකුත් උන ගමන්ම කලින් වගේම උදාරයි මම එකතු වෙලා සබ් එක කරන්න ගත්තා.ඇත්තටම මේකේ වැඩිම කොටසක් දැම්මේ එයා..හරි වැඩි විස්තරයක් ඕන නෑ මෙන්න ෆිල්ම් එකේ කතාව

 අවුරුද්දක් පාසාම උතුරු ඇමරිකාවේ මහා මන්ත්‍රණ සභාව මඟින් තරඟයක් සංවිධානය කරනු ලබනවා.මේ සඳහා සහභාගී කර ගන්නේ එක් පලාතකින්ම තරුණ ගැහැණු ළමයකු හා පිරිමි ළමයෙකු පමණයි.මේ සඳහා දිස්ත්‍රික් 12ක් තරඟ වදිනවා.මෙහි ඇති උණුසුම් තරඟකාරීත්වය නිසාම මෙම තරඟය සජීවීව රටවැසියන් සියල්ලට නැරඹිය හැකි අයුරින් සංවිධානය කරනු ලබනවා.තවද මෙම තරඟයට ඉදිරිපත්වන තරඟකරුවන් තමන්ගේ ප්‍රතිවාදීන් පරාජය කොට අවසන් මොහොත දක්වාම තරඟවැදිය යුතුය.එසේ කිරීමට අපොහොසත් වුවහොත් ඔවුන්ට තම ජීවිතයෙන් ඊට වන්දි ගෙවීමට සිදුවනවා.

 මෙම කතාවේ ප්‍රධාන චරිතය වන කැට්නිස්, තම ජීවිතකාලය පුරාම මේ තරඟය සඳහාම සූදානම් වූ තැනැත්තියක්.මෙම කතාව පුරාවටම දිවයන්නේ ඇය සියළුම බාධා හමුවේ, මනුෂ්‍යත්වය, ජීවිතය ආදරය යන සියල්ල සමඟින් මෙම තරඟයට මූණපාන අන්දමයි. ඇයට මොන ආකාරයේ බාධාවන්ට මූණදීමට සිදුවේද,තරඟය අතරතුර ඇයට කවර පුද්ගලයන්,ජීවීන් හා ගැටීමට සිදුවේද, අවසානයේ ඇයට ජීවිතයෙන් වන්දි ගෙවීමට සිදුවේද,ඇයගේ ජීවිතයම මින් වෙනස් මඟකට පෙරලේද,මේ සියල්ලටම පිළිතුරු කතාව නැරඹීමෙන් අවසානයේදී ඔබට දිස්වේවි.සාමාන්‍ය සටන් ජවනිකාවලට වඩා වෙනස්ම විද්‍යාත්මක හා තාක්ෂණික අංග රැසකින් සමන්විත මෙම චිත්‍රපටය ලොව පුරා ප්‍රේක්ෂක ප්‍රතිචාර 7.9ක් ලද චිත්‍රපටයක් මෙන්ම, ලංකාවේ සිනමාහල්වලදී පවා අතිශය ජනප්‍රියතාවයක් අත්කර ගත්තකි.





0

The Lorax [2012] සිංහල උපසිරැසි සමගින්



හුගක් දවසක් ඉදලා මම බලන් හිටියේ මේ චිත්‍රපටිය ඔයාලට දෙන්න අරන් එන්න තමයි.එත් චිත්‍රපටියේ හොද කොපි එකක් එන්න ඉතාමත් දිගු කාලයක් ගත උනා.හැබැයි දැන් ඔන්න හොද කොපි කිහිපයක්ම ඇව්ල්ලා.මම කලින් ඩිවිඩි රිප් එක ඇවිත් පැය ගානකින් දුන්නා මතක ඇති.එදා මම කිව්වා BR RIP 720P 1080P ආව ගමන්ම උපසිරැසි එකට හදලා දෙනවා කියලා.ඔන්න ඒකත් අද කරලා ඉවර උනා.නෙට් එකේ තියන ඕනැම කොපියක් සදහා මම නිකුත් කරලා තියන උපසිරැසි ගොනු දෙකම ගැලපෙනවා.ඉතින් බය නැතුව ඕනම කොපියක් අරගෙන චිත්‍රපටිය රසවිදින්න ඔයාලට පුලුවන්කම තියනවා.මේ මගේ 23වැනි උපසිරැසි ගැන්විම කියලත් මතක් කරන්න ඕන.පොඩ්ඩක් වැඩරාජකාරි වැඩ නිසා මේ දවස් වල නම් අලුත් උපසිරැසි එකකින් හමුවෙන්න නොහැකි වේවි.එත් අනිවාර්යෙන් ඉක්මනින්ම හොද චිත්‍රපටියකින් හමුවෙන්නම්.

කතාව පොඩ්ඩක් කියන්නම් මේ කතාව කාලේ වෙන කොට ලොකේ හැම ගහක්ම වදවෙලා ගිහින්.දැන් ගස් කියලා මිනිස්සු දන්නේ ප්ලාස්ටික් වලින්
වගේ හදපු ගස් වලට.මේ නගරේ ඉන්නවා ළමයෙක්.එයාගේ පොඩි කැමැත්තක් තියනවා එයාලගේ ගෙවල් ගාව ඉන්න ගැණූ ළමයෙක්ට.ඉතින් මේ පිරිමි ළමයා ගැණු ළමයගේ හිත ගන්න එක එක දේවල් කරනවා.දවසක් මේ ගැණු ළමයා එයාගේ හිනයක් ගැන කියනවා ඒ තමයි ඇත්තම ඇත්ත ගහක් දකින එක.එහෙම පෙන්නුවොත් හරි ඇත්තම ඇත්ත පැළැටියක් ගෙනත් දුන්න කෙනෙක්ව එයා එවලේම කසාද බදිනවා කියලත් කියනවා.මේක ඉතින් අර පිරිමි ළමයට හොද අවස්ථාවක් නිසා එයා එයාගේ ආච්චිගෙන් අහගෙන නගරෙන් පිට ඉන්න ඇත්ත ගස් ගැන දන්න කෙනෙක් හොයාගෙන යනවා එතනින් එහාට මොනා වෙයිද?ලොකේ සේරම ගස් නැති උනේ කොහොමද? ඒක අර පිරිමි ළමයා හොයා ගනිද? එයාට ඇත්තම ඇත්ත පැලැටියක් හම්බවෙයිද? එතකොට කවුද මේ ලොරේක්ස් කියන්නේ? ප්‍රශ්න ගොඩක් නේද? ඒ සේරටම උත්තර විනාඩි 87ක් පුරා දිවෙන මේ චිත්‍රපටියේ ගැබ්වෙලා තියනවා.ඔය මම කිව්වේ කතාවේ මුල විනාඩි 10 විතරයි.මේ කතාවෙන් ඔයාලගේ ජිවිතේට පාඩමක් ඉගෙන ගන්නත් පුලුවන් පරිසරය සුරකිම ගැන.එහෙනම් හැමෝම අරන් බලන්න.



0

Headhunters (2011) සිංහල උපසිරැසි සහිතව.



ZOOM.LK වෙනුවෙන් සුරංග වන්නිආරච්චි කල ඉල්ලිමකට එයත් එක්ක එකතු වෙලා කරපු උපසිරැසි ගැන්විමක් තමයි මේ.මම දිගටම දුන්නේ ඉංග්‍රිසි,හින්දි,දෙමළ චිත්‍රපටනේ.මට හිතුනා වෙනත් භාෂාවක හොද චිත්‍රපටියකට උපසිරැසි දෙන්න.මේ චිත්‍රපටියට උපසිරැසි දෙන්න හිතුනේ ඒකයි.

ෆිල්ම් එකේ කතාව ගැන ටිකක් කියනවනම් රොජර් බ්‍රවුන් වැඩකරන්නේ නොර්වේ වල ගොඩක් ශක්තිමත් ඉහල තනතුරු සඳහා පුද්ගලයන් සොයන(Headhunters) ආයතනයකයි.මේ හැම දෙයක්ම ඔහු කරන්නේ ඔහුගේ පමණටත් වඩා ඉක්මවා යන ජීවන රටාවට සහය වීම පිණිසයි. ඒ වගේම එයාගේ යාළුවා වන ඕ‍වේත් එක්ක එකතු වෙලා ඔහු චිත්‍ර හොරෙක් විදියටත් කටයුතු කරනවා.ඔවුන් චිත්‍රවල මුල් පිටපත වෙනුවට හොර එකක් යොදලා මේ හොරකම කරනවා.ඔහු‍ට පිටතින් එන බොරු තර්ජන ප්‍රසිද්ධිය ගොඩනගා ගන්න යොදා ගන්නවා. ඒ වගේම ඔහුට ලොටී කියන තරුණියත් සමග අනියම් සම්ඩන්ධයකුත තියෙනවා.ඒකට හේතුව ඔහුගේ බිරිඳ වන ඩයනාට ඔවුන්ගේ පවුල් ජීවිතේදි දරුවෙක් අවශ්‍ය උනත් රොජර් එයට කැමති නොවීමත් ඒ හේතුව මත ඇතිවන විරසක වීම නිසයි. ආ තව පොඩ්ඩෙන් මුළු කතාවම කියනවා. මේ චිත්‍රපටියේ රොජර්ට ඉදිරියේදී මොනවගේ ප්‍රශ්න වලට මුහුණ දෙන්න වෙනවද? ඒවයෙන් ඔහුට බේරෙන්න පුළුවන් වෙයිද? කියලා චිත්‍රපටිය අරගෙනම බලන්න කියලා ආරාධනා කරනවා.



0

Wall-E [2008] සිංහල උපසිරැසි සමග..






ලගදි මට බලන්න හම්බුන ලස්සන ෆිල්ම් එකකට උපසිරැසි දෙන්න හිතුනා.ත්‍රිමාණ සජිවිකරන කාටුන් වලට කවුරුත් වැඩිය උපසිරැසි දෙන්න පෙළබෙන්නේ නෑ.එත් මම දැක්කා අපේ සූම් එකේ යාලුවෝ කිප දෙනෙක්ම පරණ ලස්සන ෆිල්ම් වලට උපසිරැසි දිලා තිබුනා.ඉතින් මටත් හිතුනා ලස්සන කතාවකට උපසිරැසි එකක් දෙන්න.වැඩි විස්තර නැතුව මම මේකේ කතාවේ සාරංශය පොඩ්ඩක් කියන්නම්.මේක IMDB හි 8.5ක ඉතා විශාල ප්‍රතිචාරයක් ලබාගෙන තියනවා.එකෙන්ම තේරෙන වනේ චිත්‍රපටිය කොච්චර ලස්සන එකක්ද කියලා.මේකෙ කතාව ලියලා වගේම
 අධ්‍යක්ෂණය කරලා තියෙන්නෙ Toy-story කතා මාලාවත්,Up,Ratatouille ,Monsters, Inc.,Finding Nemo ,John Carter,A Bug's Life වගේ ලෝක ප්‍රසිද්ධ ත්‍රිමාණ සජීවකරණ චිත්‍රපටි ලියපු, අධ්‍යක්ෂණය කරපු සුප්‍රසිද්ධ Andrew Stanton.

 WALL-E (Waste Allocation Load Lifter – Earth Class) කියන්නෙ කෙටියෙන්ම කිව්වොත් කුණූ අයින් කරන පුංචි රොබෝ කෙනෙක්. මෙයාගෙ කතාව තමයි මේ චිත්‍රපටියෙ අන්තර්ගත වෙලා තියෙන්නෙ.මෙයා විතරයි මේ ලෝකෙටම ඉන්නෙ.නෑ,නෑ, එයා එක්ක තව චූටි යාළු කැරපොත්තෙක් ඉන්නවා.(කැරපොත්තො ලේසියෙන් විනාස වෙන්නෙ නෑ කියල අපි කවුරුත් දන්නවනෙ).මේ කතාව හදලා තියෙන්නෙ අනාගතේ වෙන්න ඉඩකඩ තියෙන සිද්ධියක් ගැන හිතලා.ඇත්තටම මේ කතාවෙ තියෙන විදියට ලෝකෙ විනාස වෙන්න බැරිත් නෑ.කොහොම වුනත් මේ පුංචි රොබෝ අතේ තමයි මුළු ලෝකෙම පැවැත්ම රැඳිලා තියෙන්න.හරිම සංවේදී කතාවක්.මම කලින් සඳහන් කරපු කතාවලින් එකක් හරි බැලුවානම්, මේ කතාව බලන්න කෙනෙක් දෙපාරක් හිතන්නෙ නෑ.පාඩුවක් වෙන්නෙ නෑ, අරගෙන බලන්න..

 මේක පොඩි ළමයින්ට විතරක් නෙමෙයි ලොකු පොඩ්ඩන්ටත් බලන්න පුලුවන් ලස්සන කතාවක්.එහෙනම් බලලා අදහසක් දාලා යන්න.අපි මහන්සිවෙලා උපසිරැසි දෙන එකේ අපිට තියන එකම සතුට ඔබගේ ප්‍රතිචාරය පමණක්ම නිසා.


5

Jannat 2 (2012) with Sinhala Subtitles



ජන්නත් 2 කියලා චිත්‍රපටය තිබුනට ඔයා පලවෙනි එක බැලුවේ නෑ කියලා කිසිම ගැටලුවක් වෙන්නේ නෑ.මේක පලවෙනි එක අතර කිසිදු සම්බන්ධයක් නෑ.සොනූ (ඉම්රාන් හෂ්ම්) කියන්නේ නිතිවිරොධි අවිජාවරමේ යෙදෙන කෙනෙක් දවසක් මෙයාට අහම්බෙන් මෙන් හම්බවෙනවා ජානවී (ඊෂා ගුප්තා) කියන ගෑණු ළමයව.සොනු මෙයාට ආදරේ කරන්න පටන් ගන්නවා ඒ එක්කම සේරම නිතිවිරොධි ව්‍යාපාර නවත්තන්න හිතාගන්නවා.නමුත් කරපු නරක වැඩ පස්සෙන් එන එක නවතින්නේ නෑ.ප්‍රතාප් රගුවන්ෂි නැමැති පොලිසියේ පුද්ගලයෙක් මොහු පස්සේ පන්නවා.පස්සේ සොනු ප්‍රතාප්ට පැහැදිලි කරනවා ඔහු නරක ව්‍යාපාර වලින් දැන් ඇත් වෙලා ඉන්නේ කියලා.සොනු කලින් නිතිවිරොධි ව්‍යාපාරවල ගනුදෙනු කරපු කෙනෙක් නිසා එයාට කියනවා පොලිසිය වෙනුවෙන් ආපහු නිතිවිරොධි ව්‍යාපාර කරන්න පටන් අරන් එවා වලින් කරන වැඩ ගැන පොලිසියට එතන ඉදන් ඔත්තුදෙන්න කියලා.මුලදි සොනු අකමැති උනත් හොද කෙනෙක් වෙන්න තියන උවමනාවට ප්‍රතාප් කියන දේවල් වලට කැමති වෙනවා.ඔය කතාවේ මුල විනාඩි 25 වගේ.තව පැය 1.35ක්ම තියනවා.ඒ විනාඩි කිහිපය අතරේ කුමක් වෙයිද.චිත්‍රපටයේ ධාවන කාලය විනාඩි 124යි.ඉංග්‍රිසි චිත්‍රපටියක් වගේම තමයි.මේකේ ලස්සන ආදර කතාවකුත් තියනවා.කොල්ලෝ මොන නරක වැඩ කලත් ආදරේ කරන්න පටන්ගත්තම කොච්චර අවංක වෙනවද කියලා චිත්‍රපටිය බැලුවොත් තේරේවි.කොයිම වෙලාවකවත් ඒ අයට දුකක් දෙන්න කැමති නෑ.නමුත් එයාලා තේරුම් ගන්නේ ඒක වැරදි විදියට.තව නම් කතාව කියන්න යන්නේ නෑ අරන් බලන්න.අනික ඉම්රාන් හෂ්මි රගපාන හැම ෆිල්ම් එකේම එක සිංදුවක් හරි හිට් එකක් වෙනවා.මේකෙත් එහෙම සිංදුවක් තියනවා.හැමෝම කැමතියි අපේ ජිවිතය දිව්‍යලෝකයක ජිවත් වෙනවා වගේ සැප විදලා ජිවත් වෙන්න.එත් එකට අපි යන්න හදන පාර වැරදි පාරක් උනොත්........ජන්නත් 2 චිත්‍රපටය එකට උත්තරයක් දේවි.


සිංහල උපසිරැසි නිර්මාණය - දර්ශන නිශාන්ත පිරිස්.





1

Mirror Mirror 2012 සිංහල උපසිරැසි සහිතව



මම හිතන්නේ මාසගානකට පස්සේ මමත් ආපහු උපසිරැසි දාන්න පටන් ගත්තා.මුල කාලේ නම් එකපිට එක උපසිරැසි දුන්නත් කාර්ය්‍යබහුලතාවය නිසා එකක් දෙන්න බැරි උනා.ඔන්න ආපහු මම වැඩට ආවා.මේ මගේ 20වෙනි උපසිරැසි ගැන්විම.ස්නෝවයිට් නැත්නම් හිමකුමාරිගෙ කතාව අහපු නැති කෙනෙක් ඉන්නවද? නැහැනෙ..කැඩපත කැඩපත (mirror mirror) කිව්වම හැමෝම හිතුවත් මේ නම් සුපුරුදු හිම කුමාරිගෙ කතාව කියල, මේ කතාව බලල අවසන් වෙනකොට ඔබට තරමක වෙනසක් දැනේවි.සුරංගනා කතාවක් පාදක කරගෙන නිර්මාණය වුනු මේ කතාව සුරංගනා කතාව බොහෝ තැන්වලදී වෙනස් කර ප්‍රේක්ශකයින්ට නවතම අත්දැකීමක් ගේන්න සමත්වෙලා තියෙනවා.මං මේකට උපසිරැසි යොදන්න කල්පනා කලෙත් ඒකයි. හැමදාම අපි බලන ක්‍රියාදාම, ආදර කතා, සජීවීකරණ, හා හාස්‍ය සියල්ල එකටම ගැබ්වෙලා තියෙන කතාවක් කියල මේක හඳුන්වන්න මං කැමතියි.

 කතාව මෙහෙමයි, එකමත් එක කාලෙක ස්නො වයිට් කියල පොඩි ගෑණු ලමයෙක් ඉන්නවා නපුරු රැජිනක් එක්ක.රැජින කණ්නාඩිය ලඟට ගිහින් ඇහුවම කවුද ලෝකෙන්ම ලස්සනම කියල කණ්ණාඩිය කියනවා ස්නෝ වයිට් කියල..(දැන් හිතෙනවනෙ අපො මේකමද කියල?) මේක නෙමෙයි කතාව. බලන්න පටන් ගත්තම තේරෙයි සුරංගනා ලෝකෙ පවා කොච්චර අද වෙනස්වලාද කියල.. එහෙනම් ඉතිං අරගෙන බලන්නකො. ලේ පිරිසිදු කරගන්න හිතන කෙනෙක් ඉන්නවානම් මේක හුඟාක්ම ඒ අයට අනුමත කරන්න කැමතියි.මේ උපසිරැසි එක උපසිරැසි ගන්වන්න උදාර (රොකියා) උදව් කලා.එයාටත් බොහෝම ස්තුතියි.ඒ වගේම මේ චිත්‍රපටිය ගැන වගේම උපසිරැසි ගැනත් අදහසක් දක්වලා යන්න අමතක කරන්න එපා.






0

Trcks

සිංහල උපසිරැසි චිත්‍රපටි විතරක් දාන එකේ පොඩ් වෙනත් වැදගත් දේකුත් දාන්න හිතුනා.පොඩ් වැදගත් වෙන වෙබ් අඩවි කිහිපයක් ගැන දාන්න යන්නේ.බලන්නකෝ හොදද කියලා..

1.FOTOFUZE

මෙම වෙබ් අඩවියට පිවිස පරිගනකයේ තිබේන ඕනෑම එඩිට් කිරිමට අපහසු ඕනැම ඉම්ජ් එකක් මෙම වෙබ් අඩවියට අප්ලොඩ් කර එඩිට් කිරිමට පුලුවන

මෙතනින් පිවිසෙන්න http://fotofuze.com/



2.Not sharing my info


යම් ඔන්ලයින් සේවයකදි තමන්ගේ ඊමේල් ලිපිනය නොපෙන්වමින් එයටසම්බන්ධවිමට හැකිවන සේ විකල්ප ඊමේල් ලිපිනයක් මේ වෙබ් අඩවියෙන් නොමිලේ සකසා දෙයි.

මෙතනින් පිවිසෙන්න http://notsharingmy.info/


3.Dropmy site





තමන්ගේ වෙබ් අඩවි,ඊමේල් එකවුන්ට් හෝ ඕනැම ඩේටා බේස් එකක බැකප් තැබිමට මෙම සේවයෙන් ඉඩ දෙයි.නොමිලේ දෙන බැකප් ප්‍රමාණය 2 වන අතර ඊට වැඩිය අවශ්‍ය නම් මුදල් ගෙවා ලබා ගත යුතුය.


මෙතනින් පිවිසෙන්න https://www.dropmysite.com/


4.lynda.com



ජනප්‍රිය පරිගනක වැඩ සටහන් දහස්ගානකින් වැඩ කරන්නේ කොහොමද කියලා පෙන්වන විඩියෝ කිලිප් මේ අඩවියෙන් ලබා ගැනිමට පුලුවන.

මෙතනින් පිවිසෙන්න http://www.lynda.com/


5.wot





මෙම වෙබ් අඩවියට පිවිස එහි ඇති සර්ච් බොක්ස් එක මත වෙබ් ලිපිනයක් ලියු විට එම වෙබ් අඩවියේ ආරක්ෂාව අතින් වැදගත් නිශ්වාසනියද යන්න විස්තරයක් ලබා දෙයි.එසේම මෙහිදි ලබා දෙන ඇඩ්-ඔන් එක ඩවුන්ලොඩ් කරගත් විට පිවිසෙන සැම වෙබ් අඩවියකම ආරක්ෂක වාර්තාවක් ලබා දෙයි.

මෙතනින් පිවිසෙන්න http://www.mywot.com/


6.zoom



මේකෙන් කරන්නේ අන්තර් ජාලයේ තිබෙන ඕනැම ඉමේජයක වෙබ් අඩවි ලිපිනය ලබා දුන් විට එම ඉමේජය සූම් කර ගත හැකි අයුරින් සකසා දෙනු ලබයි.එය තිබෙන තැනපෙන්වන වෙබ් ලිපිනයක්ද ලබා දෙයි.

මෙතනින් පිවිසෙන්න http://zoom.it/



7.Gliffy


මෙම වෙබ් අඩවියෙන් සපයා තිබෙන ටුල් බොක්ස් එක බාවිතා කොට එහි තියෙන ටෙම්පේල්ට්ස් වලට අනුව ඉතා මනරම් ගැලිම් සටහන් හෙවත්ෆ්ලෝචාර්ට් සදාගත හැකිය.

මෙතනින් පිවිසෙන්න http://www.gliffy.com/



පොඩිවෙනසකටත් එක්ක මේ විදියේ පොස්ට් එකක් දාන්න හිතුනේ.හොදනම් කමෙන්ට් එකක් දාලා යන්න.
මේ සියලු වෙබ් අඩවි වල විස්තර ලබා ගත්තේ විජයපරිගනක විවිධ සගරා කිහිපයක් ඇසුරෙනි.






0

Agneepath Sinhala Subtitles (අග්නිපාත් සිංහල උපසිරැසි සමගින්)



මේක 1990 දි නිර්මාණය වු අග්නිපාත් චිත්‍රපටයේ නැවත නිර්මාණය කිරිමක්.1990 චිත්‍රපටයේ ප්‍රධාන චරිතය රගපැවේ අම්තාබ් බච්චන් විසින්.අද 2012 නිර්මාණය වු අග්නිපාත් චිත්‍රපටයේ
 එම චරිතය අගපාන්නේ රිතික් රෝෂන් විසිනි.කතාව කෙටියෙන් මේසේය ඉන්දියාවේ පොඩ් ගම්මානයක් තියනවා මාන්ද්වාකියලා මේ ගමේ ගුරුවරයෙක් ඉන්නවා.මේ ගුරුවරයා ගමේ ජනතාව යහමගට අරන් කීර්තියක් දිනා සිටින කෙනෙක්.මේ ගමට කාන්චා නැමති පුද්ගලයෙක් පැමිනේනවා.මොහු ගමේ ගම්මුලාදැනියාගේ පුතා.මොහු ඇවිත් ගමේ මත්ද්‍රව්‍ය ජවාරමක් පටන් ගැනිමට යනවා.මේකට අර ගුරුවරයා බධාපමුණුවනවා.අවසානයේ කාන්චා නැමති පුද්ගලයා මේ ගුරුවරයා නොකරපු වරදකට හසු කරලා ගම් වැසියන් ඉස්සරහාම මරා දමනවා.මේ ගුරුවරයාගේ පුතා මේ සිදුවිම් සේරම විදදරාගෙන අවසානයේ අවුරුදු 15කට පසු තම පලිය ගැනිමට සැරසෙනවා.මේම චිත්‍රපටයේ කාන්චා ගේ (දූෂ්ටයාගේ) චරිතයට පන පොවන්නේ සංජේ දත් විසින්.මම හිතන්නේ ඔහු සැහෙන්න දුරට ඒ චරිතෙට සධාරණයක් ඉටු කරනවා.මිට අමතරවමේම චිත්‍රපටයේ රිතික් රොෂන්,ප්‍රියංකා චොප්රා,ඔම් පුරි,රිෂි කපුර් වැනි නලු නිලියන් පිරිසක් රංගනයෙන් දායක වෙනවා. එහෙනම් ඔයාලත් බලලා හොද නරක කියලා යන්න උපසිරැසි එක ගැන.

0

Ek Main Aur Ekk Tu සිංහල උපසිරැසි සමගින්


ඔයාලා බලන්නම වටින ලස්සන චිත්‍රයක්.පුංචි කතාවක් තියෙන්නේ හැබැයි එක චිත්‍රපටිය පුරාවටම ලස්සනට විහිදිලා යනවා.මේ චිත්‍රපටයේ ධාවන කාලයත් පැය 1 විනාඩි 52යි.හරියට ඉංග්‍රිසි චිත්‍රපටියක වේලාව වගේ.බොරු කැලි නැතුව කතාව ලස්සනට ගලාගෙන යාමක් මේ චිත්‍රපටිය තුල අපිට දකින්න පුලුවන්.මේ කතාවේ සාරංශය ගැන පොඩ්ඩක් කියනවා නම් රාහුල් සහා රිහානා ඇමරිකාවේ වේගාස්වල දැනට පදිංචි වෙලා ඉන්න දෙන්නෙක්.දෙන්නටම ජිවිතේ ප්‍රශ්න තියනවා.ඉතින් ඒ දෙන්නම ජිවිතේ ගැන කලකිරිමෙන් ඉන්නේ..මේ දෙන්නම දවසක අහම්බෙන් වගේ හම්බවෙනවා.එකත් වෙන්නේ අමුතුම විදියට.ඒ ටික නොකියා ඉන්නම් නැත්නම් කතාවේ රසයක් නෑ නේ.මේ දෙන්නා හම්බවෙන්නෙත් නත්තල් දවසේ ඉතින් එදා රැ මේ දෙන්නා දෙන්නම දුකින් ඉන්න හින්දා දුක නැතිවෙන්න යනවා පාටි එකකට.එතනින් මේයාලා හොදටම බිලා වැරදිලා කසාද බදිනවා...ඊට පස්සේ මොනා වෙයිද?ඒ ටික කියන්නේ නෑ අරන් බලන්න.මම බලපු ලස්සනම කතා අතරින් එකක් තමයි මේක.ඇත්තටම මම මේක දැනට සබ් දාන්නයි සේරම කරන්නයි 5පාරක් විතර බැලුවා.ඒ තරම් ලස්සන කතාවක් තියනවා.පවුලේ හැමෝටම එකට රසවිදින්න පුලුවන් හාස්‍ය විනෝදය සපිරුණු ෆිල්ම් එකක්.අනිවාර්යෙන්ම ඔයා නරඔන්න ඉන්න චිත්‍රපට ගොඩට මේ චිත්‍රපටයත් එක්කර ගත්තට පාඩුවක් නම් වෙන්නේ නෑ





චිත්‍රපටය ලබා දුන් දර්ශන හා ශේනාලි දෙපලට ස්තුතියි.

1

Johnny English Reborn Sinhala Subtitles


කාලයත් තිස්සේ අතුරුදහන් වෙලා හිටපු ජොනී ඉංග්ලිෂ් නැවතත් සේවයට වාර්තා කිරීමෙන් තමයි කතාව පටන් ගන්නෙ.මෙදා පාර ජොනීට පැවරෙන්නෙ චීන අගමැතිට එරෙහිව තියෙන කුමන්ත්‍රණය වළක්වන එක.කලින් වතාවක් වැඩ වරද්දගත්ත ජොනීට මේ පාරවත් ඒක හරියට කරන්න පුළුවන් වෙයිද? නැත්තම් චීන අගමැති අනතුරේද? මේ සේරම දැනගන්න වෙන්නෙ කතාව බැලුවොත් තමයි.හැමදාම විහිළුවෙන් වැඩකරන ජොනීගෙ වැඩ බලන්න මේ පාර වෙනම නියෝජිතයෙක් පවා පත්කරලා තියෙනවා. ඒ ගැන විස්තර දැනගන්නත් කතාව අරගෙනම බලන්න.මේක දෙන්න ටිකක් කල්ගතවීම ගැන නම් හැමෝගෙන්ම සමාව ඉල්ලා සිටින්න කැමතියි. තරමක් අසනීප තත්වයෙන් හිටපු නිසාත්,පෞද්ගලික රාජකාරි බහුලව තිබුණු නිසාත් තමයි කල් ගතවුනේ.කොහොම නමුත්, මහන්සියට අගයක් වෙන්න ප්‍රතිචාරයක් දක්වලා යයි කියලා බලාපොරොත්තු වෙනවා.



2

RA One සිංහල උපසිරැසි සමග







හරි ඔන්න කොහොමින් කොහොම හරි සිංහල උපසිරැසි එක්ක චිත්‍රපටයක් අරගෙන ආවා.ෆිල්ම් එක මුලින්ම උපසිරැසි දාන්න පාරගෙන හිටියේ පනිශර් උනත් අන්තිමට මගෙන් ඉල්ලිමක් කරපු නිසා මම උපසිරැසි ගන්වන්න තිරණය කලා.ඔහුගෙත් උදව් ඇතිව.රා වන් චිත්‍රපටය ලොව පුරා තිරගත විම ආරම්භ උනේ ඔක්තොම්බර් 26වනදායි.ඇත්තටම චිත්‍රපටය වෙනුවෙන් විශාල වියදමක් කල ඇති බව බැලු බැල්මට ඔබටත් බලාගන්න පුලුවන්.
 චිත්‍රපටයේ කතාව කෙටියෙන් කියනවා නම් ශේකර් පරිගනක ක්‍රිඩා හදන සමාගමක වැඩ කරන කෙනෙක්.මෙහුගේ පුතාගේ ඉල්ලිමට මොහු පරිගණක ක්‍රිඩාවක් නිර්මාණය කරනවා.ඒ පරිගණක ක්‍රිඩාවේ විරයාට වඩා දුෂ්ටයා බලවත් විදියට තමයි නිර්මාණය කරන්නේ.නමුත් අන්තිමට කවුරුත් නොසිතු දෙයක් සිදුවෙනවා එහෙනම් ත්‍රිමාණ පරිගණක ලොවේ සිටි දුෂ්ටයා සැබැ ලොවට පැමිනෙනවා.එයින් පසුව සිදු වන්නේ කවුරුත් අපේක්ෂා නොකල දේවල්.කතාව පැටලැලි වගේ නම් චිත්‍රපටය අරගෙනම බලන්න.ඒ වගේම පොඩ් දෙයක් කියන්න ඕන අද ඉදලා උපසිරැසි වෙනස් විදියකට දෙන්නේ.ඒ ගැන සදහනක් උපසිරැසි ඩවුන්ලොඩ් කරගන්නා ෆොල්ඩර් එකේ තියනවා.ගැටලුවක් තිබුනොත් චිත්‍රපටය වෙනුවෙන් දාලා තියන ත්‍රේඩ් එකේ කියන්න යන්න.එහෙනම් මේ මගේ 17 වන උපසිරැසි නිර්මාණය රස විදින්න කියලා ඉල්ලන ගමන් අදහසක් දාලා යන්නත් අමතක කරනන් එපා.